"Металлург" – "Локомотив" учрашувидан сўнг меҳмонлар устози Андрей Фёдоров қуйидагича фикр билдирди:
“Ўйин шундай кўриниш олишини олдиндан тахмин қилган эдик. “Металлург” уйда босим уюштирган ҳолда ўйнашини кўзда тутиб, тайёргарлик олиб боргандик. Йигитлар рақиб босимини енгишди.
Қулай имкониятларни голга айлантира олганимизда, ўйин сўнггида балким кучли босим остида ҳаракат қилмаган бўлардик. Мени ҳайрон қолдирган жиҳат захирада ўтирган футболчимизнинг нима сабабдан қизил карточка олгани бўлди.
Вазиятга яқин эдим ва ҳаммасини эшитиб тургандим. Футболчи ўйиндан ташқари ҳолат қайд этилганидан бироз қизишганди холос”, - деди Фёдоров.
