Janubiy Koreyaning Suvon shahrida navbatdagi professional boks oqshomi nihoyasiga yetdi.

Unda o‘zbekistonlik charm qo‘lqop ustasi Husniddin Po‘latov yarimo‘rta vazn toifasida ringga chiqdi. Ushbu jangda hamyurtimizga indoneziyalik Soxlan Koral raqiblik qildi. 12 raundga mo‘ljallangan bahsda hamyurtimiz 6-raundda raqibini nokautga uchratdi va WBA Asia kamarini qo‘lga kiritdi.

Po‘latov professional ringda bugungisi bilan qo‘shib hisoblaganda 14-jangini o‘tkazdi. Hamyurtimiz janglarning 10 tasida g‘alaba qozongan (5 ta nokaut). 3 marotaba esa mag‘lubiyatga uchragan (3 ta nokaut). Indoneziyalik bokschining ko‘rsatkichlari esa quyidagicha: 24 ta jang, 17 ta g‘alaba, 7 ta mag‘lubiyat.

Milliy olimpiya qo‘mitasi ushbu muvaffaqiyat bilan bokschimiz va uning murabbiylarini muborakbod etadi.