Italiya chempionati 4-turidan o‘rin olgan “Roma” va “Kyevo” uchrashuvi yakunlandi.  “Stadio Olimpiko” o‘yingohida kechgan uchrashuv jangovar durrang bilan nihoyasiga yetdi.

Uchrashuvni maydon egalari ancha faol boshlashdi. O‘yinning 10-daqiqasidayoq “bo‘rilar” hujumchisi E-SHaaravi hisobni ochdi. Goldan so‘ng “Roma” hujumlar soninm keskin oshirdi.

Uchrashuvning 30-daqiqasiga kelib mezbonlar futbolchisi Kristante oradagi farqni bittaga oshirib qo‘ydi. Jamoalar shu tariqa tanaffusga yo‘l olishdi.

Ikkinchi bo‘limni kutilmaganda mehmonlar hujumkor boshladi. O‘yinning 52-daqiqasida Birsa oradagi farqni qisqartirgan bo‘lsa, 83-daqiqada Stempinski hisobni tenglashtirib qo‘ydi 2:2.

Roma – Kyevo 2:2 (2:0, 0:2)

Goli: 1:0 – 10 El-SHaaravi, 2:0 – 30 Kristante, 2:1 – 52 Birsa, 2:2 – 83 Stempinski.

Roma – Olsen, Jezus, Manolas, Kolarov, Florensi (Karsdorp, 69), Pellegrini (de Rossi, 70), Nzonzi, Under (Klyuyvert, 81), Kristante, El-SHaaravi, Jeko.

Kyevo – Sorrentino, Rossettini, Barba, Tomovich, Bani, Obi (Xetemay, 46), Radovanovich, Birsa (Leris, 81), Rigoni (Depaoli, 87), Djakkerini, Stempinski.

Ogohlantirishlar: Rossettini (74), de Rossi (78).