Italiya chempionatining 4-turida "Yuventus" o‘z maydonida "Sassuolo"ni qabul qilib, 2:1 hisobida g‘alaba qozondi.
Mezbonlar yarimhimoyachisi Duglas Kosta o‘yin oxiridamehmonlar hujumchisi Federiko Di Francheskoning yuziga tupurgani uchun o‘yindan chetlatildi.
Ikki daqiqa oldinroq Duglas Kosta hakamning oldida xuddi shu Di Francheskoga kalla qo‘ygani uchun sariq kartochka olgan edi. Undan ham oldinroq Kosta Federikoning yuziga tirsagi bilan urgan edi.
A seriya reglamentida raqib yuziga tupurganlik uchun 3 o‘yinga chetlatish ko‘zda tutilgan, Duglas Kostaning kalla qo‘yishi va tirsak bilan zarbasini hisobga olsak, unga 5 o‘yinlik diskvalifikasiya xavf solmoqda.
