«Real»ning braziliyalik yetakchi himoyachisi Marselo turli gap-so‘zlarga beparvo qaramoqda. Misol uchun, uning Krishtianu Ronaldu ortidan «Yuventus»ga yo‘l olishi haqida juda ko‘p gapirildi, ammo bu amalda tasdiqlangani yo‘q.
Xullas, Marselo Real Madrid TV jurnalistlari bilan suhbat chog‘i ketishi xususida tarqalgan xabarlarga to‘xtalish barobarida «Qirollik klubi» o‘yinidagi roli va yangi jamoadoshi Vinisius Junior haqida fikr yuritdi.
O‘YIN USLUBI
- «Madrid»da hamisha bor kuch-quvvatni sarflash talab etiladi. Himoyada ham, hujumda ham. Mabodo to‘pni yo‘qotib qo‘ysang, 5-10 metrga yugurib, uni tezda qaytarib olishing shart. Bu 60-70 metr ortga qaytishdan osonroq, har holda. Jamoaning o‘yin falsafasi shu.
RUHIY TALABCHANLIK BOSIMI
- Avvaliga yuqori talablar bosimi futbolchilarga og‘irlik qilishi mumkin. Lekin har bir g‘alaba va muvaffaqiyatli lahza bizni yanada kuchliroq ishtiyoq bilan olg‘a borishga undaydi. Albatta, o‘yin davomida yugura-yugura charchaymiz, ammo g‘alaba lazzati va qimmatli ochkolar horg‘inlikni tezda tarqatib yuboradi. Bu - «Real»ning yo‘li, bizning yo‘limiz.
ELITADA 13 MAVSUM
- Har safar yangi chempionat arafasida avvalgi barcha muvaffaqiyatlarni batamom unutaman, o‘zimni hali hech narsaga erishmagan futbolchi o‘rniga qo‘yib ko‘rishga urinaman. Ana shu chan-qoqlik - men uchun haqiqiy motivasiya.
Oddiy aytganda, odatda qo‘lga kiritilgan sovrinlar emas, balki oldinda turgan marralar haqida o‘ylayman. Eng asosiysi, har doim g‘alaba yo‘lida bor mahoratimni ishga solaman.
«REAL» SHARAFINI HIMOYA QILISH
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
