Malayziyaning Kuala-Lumpur shahrida 2019 yilda OFK U-20 futzal chempionatining saralash bosqichiga qur’a tashlash marosimi bo‘lib o‘tdi.   Saralash bosqichining O‘zbekiston futzal terma jamoasi ishtirok etuvchi Markaziy mintaqaning o‘yinlari Toshkent shahrida o‘tkaziladi. 

Markaziy mintaqadan Eron, O‘zbekiston, Turkmaniston, Tojikiston, Afg‘oniston hamda Qirg‘iziston terma jamoalari joy olishgan edi. Qur’a natijalariga ko‘ra ikki guruhga bo‘lingan markaziy mintaqa jamoalari quyidagicha joylashishdi:

A guruhi: Eron, Afg‘oniston, Turkmaniston. B guruhi: O‘zbekiston, Tojikiston, Qirg‘iziston.

O‘yinlar 1-4 dekabr kunlari Toshkent shahrida o‘tkaziladi. Quyida o‘yinlarning vaqtlari bilan tanishishingiz mumkin:   1 dekabr Qirg‘iziston – O‘zbekiston Turkmaniston – Eron   2 dekabr  Tojikiston – Qirg‘iziston Afg‘oniston – Turkmaniston   3 dekabr  O‘zbekiston – Tojikiston Eron – Afg‘oniston   4 dekabr  Uchinchi yo‘llanma uchun bahs