"Korintians" yarim himoyachisi Pedrinyu "Barselona" safiga o‘tishi mumkin. Bu haqda Sport.es xabar tarqatdi.
Shuningdek, ushbu futbolchining xizmatiga Doneskning "Shaxtyor" klubi ham qiziqish bildirmoqda, ammo 20 yoshli "yangi Ronaldinyo" uchun kurashda "ko‘k-anorranglilar" favorit hisoblanishmoqda. Mazkur transfer ustida "Barsa" skauti Andre Kuri ish olib bormoqda. Bu agent Neymarning "PSJ"ga o‘tishida ham xizmat qilib, 6,6 mln. yevro ishlab olgandi.
Pedrinyuning "Korintians" bilan amaldagi shartnomasi 2020 yilga qadar tuzilgan va tovon puli sifatida 50 mln yevro ko‘rsatilgan.
Pedrinyu Braziliya chempionatining ushbu mavsumida 22ta o‘yinda maydonga tushib, 1ta golga assistentlik qilgan.