Superliganing 24-turi doirasida "Lokomotiv"ga qarshi uchrashuvdan keyin "Bunyodkor" bosh murabbiyi Mirjalol Qosimov o‘z fikrlarini bildirib o‘tdi.
- Omad yoki mahorat? Futbolda ikki jihat ham juda kerak. Ikkinchi bo‘limni oladigan bo‘lsak, Abdullayev ozgina mahorat yetishmadi. Rayevas esa kuchli hujumchi. U bunday vaziyatlardan foydalana oladi.
Shu boisdan unga omad yetishmadi, deb o‘ylayman. Shunga qaramay, shogirdlarim bilan faxrlanaman. Oldimizdagi maqsad OCHLga chiqish. Shu boisdan bu yerda faqatgina ochko yig‘ish kerak. Kiyinish xonasida yigitlarga o‘yin tarixga aylanganini, keyingi o‘yinga boshni tik ko‘targan holda chiqishimizni aytdim.
Muxlislarga yoqadigan o‘yin bo‘ldi. Sekin-sekin kamchiliklarni to‘g‘rilashga harakat qilamiz. Orada kichik tanaffus bo‘lganda Rayevas jarohat olgandi. Nurmatov ham "Buxoro"ga qarshi o‘yinda yaxshi o‘ynadi, kubokda gollar urdi. Rayevas yomon hujumchi emas, u bekorga "Bunyodkor"ga taklif qilinmagan. Ammo barchasi o‘zining qo‘lida.
