Toshkentning “Lokomotiv” klubi himoyachisi Oleg Zoteev Superliganing 24-turidan o‘rin olgan “Bunyodkor”ga qarshi uchrashuvdan so‘ng o‘z fikrlarini bildirdi.
- Mavsumdagi eng yaxshi o‘yinlarimizdan birini o‘tkazdik. Bahsning tezligi anchagina katta bo‘ldi. Hakam o‘yinning boshidan kartochkalar bilan halaqit qilmasa, barcha futbolchilar yuqori shiddat bilan o‘yin ko‘rsatadi.
Milliy termada Vitaliy Denisov bilan raqobat ko‘rsatishi borasidagi savolga Zoteev shunday javob qaytardi:
Tarkibni men tanlamayman. Buni murabbiy hal qiladi. Mening vazifam o‘yinda o‘ynash va milliy termaga loyiq ekanligimni ko‘rsatish.
