Italiya milliy jamoasi sobiq himoyachisi Alessandro Nesta hozirda kamtarin «Perudja»ga ustozlik qilmoqda.
Yosh mutaxassis Radio Radioga bergan intervyusida Umbriya hududidadagi ilk tajribasi, «Milan» va «Lasio»ga oid dolzarb mavzular xususida fikr bildirdi.
«PERUDJA»DAGI ISHI
- Murabbiylik sohasida chinakam start olish uchun munosib klub tanladim, menimcha. Ayni holatda «Perudja»ni boshqarish asnosida murabbiylik tajribamni bemalol oshirishim mumkin.
«LASIO»GA MUNOSABAT
- Shaxsiy fikrimcha, rimliklar kuchli to‘rtlikdan joy olishga qodirlar. Bunga o‘tgan mavsum ham guvoh bo‘ldik. Joriy chempionat boshidagi nisbiy omadsizlikni noqulay taqvimga bog‘lash mumkin. Acherbi va de Vrey? Ularning asli qanday saviyaga ega ekanliklarini vaqt ko‘rsatadi. «Lasio»ga ustozlik qilish?
Avvalo, «Perudja»da samarali ishlashim, qimmatli tajriba to‘plashim lozim. «Lasio» - buyuk jamoa. Albatta, shunday klubni boshqarishga munosib darajada malaka to‘plashni istayman. Menimcha, «Lasio»dek jamoani boshqarish ko‘pchilik uchun orzu bo‘lsa kerak.
«MILAN»GA O‘TISH...
- Bu haqda ko‘p gapirganman. «Lasio»dan ketish o‘zim uchun ham, tiffozilar uchun ham og‘ir bo‘lgandi. Yangi jamoada dastlabki 2 oy davomida rosa qiynalganim esimda. Muhimi, professional sportchi ekanligimni unutmay, qattiq ishladim.
Ha, keyinroq «Lasio»ga qaytishim uchun imkoniyat tug‘ildi, ammo «Milan» qo‘yib yubormadi. Boz ustiga, Rim klubining niyati jiddiy emasdek tuyulgandi...
AVVALGI MURABBIYLIK FAOLIYATI
Mayamida o‘zimni juda yengil his etdim - samarali davr va risoladagidek ish. Oilam ham Amerika muhitiga tezda moslashib oldi. Mana, endi Italiyaga jiddiy rejalar bilan qaytdim.
Safdoshlarimdan Gattuzo va Inzagi top-klublarda ishlashga ulgurishdi. Umuman, boshida AQSHda ishlab ko‘rganimdan aslo afsuslanmayman. Professional mahoratimni oshirish asnosida bosqichma-bosqich o‘z yo‘limni yaratsam, bas.
ITALIYA TERMASI MUAMMOLARI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
