«Real» bosh murabbiyi Xulen Lopetegi Ispaniya chempionatining 6-turi doirasida «Sevilya»ga qarshi bo‘lib o‘tgan o‘yin (0:3) borasida o‘z fikrlarini bildirib o‘tdi.

«Biz raqib darvozasi tomon hujum qilishni, bosim o‘tkazishni rejalashtirgandik, ammo o‘xshamadi. «Sevilya» bizdan kuchliroq ekan.

Marseloning jarohati? Nazarimda, unga dam berishimiz kerak. Lekin tekshiruv natijalarini kutamiz.

«Atletiko»ga qarshi o‘yinga odatdagidek tayyorgarlik ko‘ramiz. G‘alaba qozonsak ham, mag‘lub bo‘lsak ham bu narsa keyingi o‘yinga tayyorgarlik jarayoniga ta’sir ko‘rsatmaydi. Chempionat davomida mag‘lubiyatlar ham bo‘lib turadi. Lekin biz taslim bo‘lmoqchi emasmiz — «Atletiko»ga qarshi o‘yinga faol tayyorgarlik ko‘ramiz», – dedi Lopetegi.