Bugun, 2018 yilning 27 sentyabr kuni birlashgan Arab Amirliklarining Abu-Dabi shahrida futbol bo‘yicha Osiyo Kubogi – 2019 musobaqasiga bag‘ishlangan seminar o‘z ishini boshladi. Seminarda Osiyo Kubogida ishtirok etuvchi barcha terma jamoalarning vakillari ishtirok etishadi.
Seminardan ko‘zlangan asosiy maqsad, Osiyo kubogiga tayyorgarlik jarayonlar muhokama, qilinib musobaqa boshlangunga qadar bo‘lib o‘tadigan tadbirlar ko‘rib chiqiladi. Seminarda o‘zbekiston futbol assosiasiyasidan Xalqaro aloqalar bo‘limi boshlig‘i, Matbuot xizmati boshlig‘i, terma jamoa shifokori hamda havfsizlik bo‘yicha ofiser ishtirok etmoqda.
Ushbu seminar 4 kun davom etadi. Seminarning dastlabki 2 kunida kun tartibidagi masalalar muhokama qilinsa, so‘nggi 2 kunida terma jamoalar vakillari o‘z jamoalari o‘yinlarni o‘tkazadigan shaharlarga tashrif buyurib, o‘yinlar o‘tkaziladigan stadionlar, mehmonxonalar, mashg‘ulot maydonlarini ko‘zdan kechirib, tashkilotchilar bilan barcha tashkiliy ishlar kelishib olinadi. Agar vakillar tomonidan qandaydir kamchiliklar aniqlansa, bu haqida tashkilotchiga ma’lumotlar taqdim etiladi.
Seminar davomida OFK vakillari terma jamoalar mutasaddilarini chempionat reglamenti bilan to‘liq tanishtirib, butun musobaqa davomida amalga kiritilishi mumkin bo‘lgan yangilik va o‘zgarishlar haqida ma’lumotlar beriladi. Futboldagi xavfsizlikni ta’minlash maqsadida qoidalar takomillashtirib boriladi. Musobaqada davomida ko‘zda tutilmagan vaziyatlar yuzaga kelsa, qanday harakatlarni amalga oshirish yuzasidan tavsiyalar beriladi. Mezbon davlatning iqlimini inobatga olib, shifokorlarga ham tegishli tavsiyalar beriladi.
Osiyo kubogi 2019 yil 5 yanvar kuni boshlanadi. O‘zbekiston esa dastlabki o‘yinini 9 yanvar kuni Sharja shahrida Ummonga qarshi o‘yin bilan boshlaydi. Turkmanistonga qarshi o‘yin 13 yanvar kuni, Yaponiyaga qarshi bahs esa 17 yanvar kuni Al-Ayn shahrida o‘tkaziladi.
Osiyo kubogi – 2019 Guruh bahslari. F guruhi.
2019 yil 9 yanvar
Yaponiya – Turkmaniston, Abu-Dabi, soat 16:00
O‘zbekiston – Ummon, Sharja, soat 18:30
2019 yil 13 yanvar
Ummon – Yaponiya, Abu-Dabi, soat 18:30
Turkmaniston – O‘zbekiston, Al-Ayn, soat 21:00
2019 yil 17 yanvar
Ummon – Turkmaniston, Abu-Dabi, soat 18:30
Yaponiya – O‘zbekiston, Al-Ayn, soat 18:30
