Yevropa Chempionlar Ligasi 2-turidan o‘rin olgan «Tottenxem» – «Barselona» uchrashuvi o‘z nihoyasiga yetdi. «Uembli»da bo‘lib o‘tgan o‘yinda mehmonlar g‘alabani qo‘lga kiritishdi.
O‘yinning ilk daqiqalaridayoq mehmonlar oldinga chiqib olishdi: Lionel Messi markazdan uzatmani amalga oshirdi va Xordi Albani qulay vaziyatga olib chiqdi, to‘pga chiqqan Ugo Lyorisning xatosidan unumli foydalangan himoyachi to‘pni markazdagi Filippe Koutinyoga uzatdi. Braziliyalik futbolchi qulay vaziyatdan bo‘sh darvozani ishg‘ol qildi.
28-daqiqada Koutinyo jarima maydoni ichidan to‘pni ortga qaytardi, u yerda Ivan Rakitich to‘pga to‘xtatmasda zarba berib chiroyli golga muallif bo‘ldi.
Ikkinchi bo‘lim ham kataloniyaliklarning ustunligida boshlandi, biroq gol uish mezbonlarga nasib qildi. Erik Lameladan uzatma qabul qilib olgan Xarri Keyn jarima maydoniga yorib kirdi va himoyachini chiroyli tarzda aldab o‘tib, darvozaning uzoq burchagini aniq nishonga oldi.
Oradan ko‘p vaqt o‘tmay mehmonlar javob qaytarishdi: Alba chap qanotdan tezlik oldi va to‘pni jarima maydoni markaziga uzatdi, u yerda Messi osonlik bilan hisobni oshirdi.
66-daqiqada Erik Lamela jarima maydoni tashqarisida zarba berdi, Kleman Langlega tekkan to‘p ter Stegen darvozasidan joy oldi. O‘yin yakunlanishi arafasida raqib jarima maydonija yolg‘iz qoldirilgan Messi o‘yinga nuqta qo‘ygan golga mualliflik qildi.
Guruhning ikkinchi o‘yinida «Inter» Eyndxovenda PSV mehmoni bo‘ldi. Dastlab mezbonlar oldinga o‘tib olishdi, biroq keyinchalik Raja Nayngolan va Mauro Ikardining gollaridan so‘ng milanliklar g‘alabani ilib ketishdi.
Shu tariqa, guruhdagi vaziyat quyidagicha ko‘rinish oldi: 1. «Barselona» (6 ochko); 2. «Inter» (6); 3. «Tottenxem» (0); 4. «PSV» (0).
YECHL, 2-tur
Tottenxem Angliya – Barselona Ispaniya 2:4 (0:2, 2:2)
Gollar: 0:1 – 2 Koutinyo, 0:2 – 28 Rakitich, 1:2 – 52 Keyn, 1:3 – 56 Messi, 2:3 – 66 Lamela, 2:4 – 90 Messi.
Tottenxem – Lyoris, Trippyer, Sanches, Devis, Alderveyreld, Lukas Moura, Vanyama (Dayer, 57), Lamela (Lyorente, 79), Uinks, Keyn, Son Hin Min (Sissoko, 66).
Barselona – ter Stegen, Nelson Semedu, Langle, Alba, Pike, Rakitich, Artur (Vidal, 87), Buskets (Vermalen, 90), Koutinyo (Rafinya, 83), Suares, Messi.
Ogohlantirishlar: Alderveyreld (14), Vanyama (41), Lamela (43), Artur (59), Buskets (71), Keyn (74).
***
PSV Gollandiya – Inter Italiya 1:2 (1:1, 061)
Gollar: 1:0 – 27 Rosario, 1:1 – 44 Nainggolan, 1:2 – 60 Ikardi.
PSV – Zut, Virgever, Shvaab, Tasende, Dumfris, Pereyro (Malen, 75), Rosario, Losano, Xendriks, Bergveyn, de Yong.
Inter – Xandanovich, Shkrinyar, de Vrey, D`Ambrozio, Asamoa, Nainggolan (Valero, 86), Vesino, Brozovich, Perishich, Politano (Kandreva, 90), Ikardi.
Ogohlantirishlar: Xandanovich (41), D`Ambrozio (45), Asamoa (86).
