Otabek G‘ulomxo‘jayev murabbiyligidagi O‘zbekiston U-17 terma jamoasi oktyabr oyida Ispaniyaning Malaga shahrida o‘tkaziladigan xalqaro musobaqa oldidan Toshkentda yig‘inga kirishgani hamda ushbu yig‘in doirasida “Lokomotiv” klubining o‘rinbosarlariga qarshi nazorat o‘yini o‘tkazishi haqida xabar bergan edik.
Bugun 5 oktyabr kuni “O‘zbekiston temir yo‘llari” sport stadionida tashkillashtirilgan o‘yin nihoyasiga yetdi. Murosasiz kechgan bahsda 2-0 hisobida O‘zbekiston U-17 terma jamoasi g‘alaba qozondi.
Gollarni O‘zbekiston U-17 terma jamoasi tarkibida Jasur Jaloliddinov hamda Ulug‘bek Xoshimovlar kiritishdi. Otabek G‘ulomxo‘jayev jamoasi 8 oktyabr kuni Ispaniyaga jo‘nab ketadi.
Eslatib o‘tamiz, Malagada bo‘lib o‘tadigan musobaqada O‘zbekiston U-17 terma jamoasi 3 ta bahsda maydonga tushadi. 10 oktyabr kuni birinchi bahsda vakillarimizga Fransiya U-18 terma jamoasi raqiblik qilsa, 13 oktyabr kuni Belgiyaga qarshi bahs olib boriladi. Musobaqadagi so‘nggi o‘yin 15 oktyabr kuni Shotlandiya U-18 terma jamoasiga qarshi bo‘lib o‘tadi.
