Pro-Liga 28-turidan o‘rin olgan "Sho‘rtan"-"Istiqlol" (0:1) uchrashuvidan so‘ng yosh hujumchimiz Hamidullo Abduhamidov quyidagi fikrlarni aytib o‘tdi.
"Bugun qiyin uchrashuv bo‘ldi. "Sho‘rtan" tajribali jamoa. Bu jamoaga qarshi safarda to‘p surish oson bo‘lmasligini bilardik. Uchrashuvga jiddiy tayyorgarlik ko‘rdik va g‘alaba qozonib, safardan 3 ochko olib qaytayapmiz.
O‘tgan uchrashuvdan so‘ng "Sho‘rtan”ga ikkita gol urmoqchi bo‘lganligimni aytgandim. Mana shu ikkinchi golimni safardagi uchrashuvda urdim.
Jamoamiz a’zolarining kayfiyati a’lo darajada. Biz qolgan uchrashuvlarda ham birdamlik bilan harakat qilib, nasib qilsa o‘z oldimizga qo‘ygan maqsadlarga erishamiz degan umiddaman", deydi Abduhamidov.
"Istiqlol" FK matbuot xizmati
