Про-Лига 28-туридан ўрин олган "Шўртан"-"Истиқлол" (0:1) учрашувидан сўнг ёш ҳужумчимиз Ҳамидулло Абдуҳамидов қуйидаги фикрларни айтиб ўтди.
"Бугун қийин учрашув бўлди. "Шўртан" тажрибали жамоа. Бу жамоага қарши сафарда тўп суриш осон бўлмаслигини билардик. Учрашувга жиддий тайёргарлик кўрдик ва ғалаба қозониб, сафардан 3 очко олиб қайтаяпмиз.
Ўтган учрашувдан сўнг "Шўртан”га иккита гол урмоқчи бўлганлигимни айтгандим. Мана шу иккинчи голимни сафардаги учрашувда урдим.
Жамоамиз аъзоларининг кайфияти аъло даражада. Биз қолган учрашувларда ҳам бирдамлик билан ҳаракат қилиб, насиб қилса ўз олдимизга қўйган мақсадларга эришамиз деган умиддаман", дейди Абдуҳамидов.
"Истиқлол" ФК матбуот хизмати
