Juma kuni tunda Las-Vegas shahrida UFC 229 – Konor va Habib jangidan oldin vazn o‘lchash marosimi bo‘lib o‘tdi va raqiblar yakshanba kugi jang oldidan so‘nggi marta ko‘z urushtirishdi. Ha, bu raqobat ham tinch o‘tmadi.
T-Mobile Arena’dagi ko‘z urushtirishdan avval ikki jangchi taroziga chiqdilar. Konor Habibdan biroz yengil keldi. (70,08 kg - 70,3 kg).
Sahnaga birinchi bo‘lib, MakGregor chiqib keldi, uni kanadalik reper Dreyk kuzatib keldi. Konor Irlandiya bayrog‘i bilan sahnaga chiqdi.
Irlandiyalik jangchi kameralar qarshisida o‘zini ko‘rsatishni boshladi va rossiyalik Habibni o‘ziga yaqinlashishini sabrsizlik bilan kutdi, lekin UFC prezidenti Deyn Uayt jangchilarga yaqinlashish uchun ruxsat bermadi.
Nigohlar jangida raqiblar jangovor “stoyka”dan foydalandilar. Uayt ikkisidan ham bir-biriga teginmaslikni so‘radi, ammo Konor Habib manziliga haqoratli so‘zlarini yog‘dirdi, keyin qo‘li bilan zarba berib, raqibining yuziga oyog‘i bilan tepmoqchi bo‘ldi.
Jangchilar Security’lar yordamida ikki tomonga ajraldi, shunda ham Konor Habibni yana bir marta jarohatlamoqchi bo‘ldi. Yaxshiyamki Habib Konorning axmoqona qiliqlariga javob qaytarmasdan, o‘zini chempionlar kabi tutishga harakat qildi.
Shundan so‘ng Konor qisqacha intervyu berdi va sharhlovchi Jo Rogandan Habib chugurmasini kiymasligini so‘radi: “Bu kalamushga boshidagi sasiyotgan kiyimni sizga kiydirishiga ruxsat bermang. Uning bosh kiyimi juda sassiq. Bu yerga qaytish yaxshi UFC muxlislari bilan bo‘lish qandayin yaxshi, bu ajoyib! Qirol yana uyiga qaytdi”, deydi Konor.
“Nima bo‘lsa, barchasi Xudodan. Bilaman, Xudo sodir bo‘layotgan ko‘p narsalarni yoqtirmaydi. Qodir Xudoni ulug‘lang! Ertaga sizlarning yigitchangizni bo‘laklarga bo‘lib tashlayman.
Shuningdek, butun dunyodagi irlandiyalik muxlislarga minnatdorchilik bildiraman. Sizlar sababli bu jang sodir bo‘lyapti. Katta rahmat! Men kamarimni saqlab qolaman!”, deydi rossiyalik jangchi Habib Nurmagomedov.
Eslatib o‘tamiz, Habib va Konor jangi yakshanba kuni Toshkent vaqti bilan taxminan 09:00da boshlanadi.