“Paxtakor” o‘zi ishtirok etayotgan musobaqalarda raqiblar darvozasini 60 bor ishg‘ol qilib ulgurdi. Buncha gol 29 uchrashuvda urilgan. Chempionatda 25, kubokda 3 va Chempionlar ligasida bir uchrashuv o‘tkazilgan. Gollar miqdori esa Superligada 44, kubokda 15 va Chempionlar ligasida bittani tashkil qiladi.

Eng ko‘p to‘p Ismael Gonsalvesh tomonidan kiritilgan. U 15 marta raqib darvozabonlarini dog‘da qoldirgan. Tiago Bezerra hisobida 14 gol mavjud. Masharipov va Yaxshiboyevda esa 5tadan gol bor. Jami 15 nafar futbolchi joriy mavsum o‘z hisobiga gol yozib qo‘ygan. 60 goldan 2tasini raqiblar o‘z darvozasiga kiritib qo‘ygan.

"Paxtakor" to‘purarlari bilan tanishing:

15 - Ismael Gonsalvesh

14 - Tiago Bezerra

5 - Jaloliddin Masharipov, Jasur Yaxshiboyev

4 - Igor Sergeev

3 - Farruh Sayfiyev, Jasur Hakimov

2 - Dilshod Rahmatullayev

1 - Sherzod A’zamov, Marko Simich, Vladimir Kozak, Dragan Cheran, Yegor Krimes, Bahrom Abdurahimov, Doston Ibrohimov.