Indoneziya poytaxti Jakarta shahrida Paraosiyo o‘yinlari davom etmoqda. Bir necha daqiqa oldin dzyudo bo‘yicha bellashuvlar nihoyasiga yetdi.

E’tiborlisi, bugun gilamga chiqqan to‘rt nafar dzyudochimizning barchasi shohsupaga ko‘tarilishga muvaffaq bo‘ldi.

Erkaklar o‘rtasida o‘tkazilgan bahslarda Sherzod Namozov (-60kg) va O‘tkir Nigmatov (-66kg) oltin, ayollar o‘rtasidagi bellashuvlarda esa Lobar Hurramova (-48kg) kumush, Sevinch Sallayeva (-52kg) bronza medallarini qo‘lga kiritishdi.

Shu tariqa, O‘zbekiston sport delegasiyasining Paraosiyo o‘yinlaridagi medallari soni 11taga yetdi. Ularning 7tasi oltin, 3tasi kumush va 1tasi bronza medallaridir.

Eslatib o‘tamiz, Paraosiyo o‘yinlari 13 oktyabrgacha davom etadi.