PSJ hujumchisi Edinson Kavani faoliyatini “Atletiko”da davom ettirishi mumkin.
Sport.es nashrining xabariga ko‘ra, urugvaylik hujumchi jamodagi o‘rnidan norozi va boshqa klubga o‘tish yo‘lini qidirmoqda.
31 yoshli futbolchi jamoadoshlari bilan kelisholmay qolgan. Ular orasida Neymar va Kilian Mbappe ham bor.
Shuningdek, Kavaniga shaxsan “Atletiko” bosh murabbiyi Diyego Simeone qiziqmoqda. Fransiya klubi “El Matador”ning transferidan kamida 60 mln foyda ko‘rishi kutilmoqda.
Ma’lumot uchun, Kavanining paridliklar bilan tuzgan amaldagi shartnomasi 2020 yil tugaydi.