Argentina shahrida o‘smirlar Olimpiya o‘yinlari davom etmoqda. Ayniqsa, 13 oktyabr kungi bellashuvlar hamyurtlarimiz uchun muvaffaqiyatli davom etmoqda. Biroz avval og‘ir atletikachimiz Dolera Davronova bronza, baydarka va kanoeda eshkak eshish bahslarida ishtirok etgan Gulbahor Fayziyeva oltin medalni qo‘lga kiritganligi haqida xabar berib o‘tgandik.

Endi esa sport kurashlarida -49 kg vazn toifasida yurtimiz sharafini himoya qilgan Shohida Ahmedova sovrindorlar qatoridan joy oldi. Hamyurtimiz musobaqa davomida Qozog‘iston, Venesuela, AQSH, Belorus mamlakatlari vakillarini mag‘lubiyatga uchratib finalgacha yetib bordi. Hal qiluvchi jangda esa u, afsuski, shvesiyalik raqibasiga imkoniyatni boy berdi qo‘ydi va yakunda kumush medal bilan kifoyalandi.

Ma’lumot uchun, bu o‘zbekistonlik sportchilar uchun Argentina Olimpiadasidagi o‘ninchi medaldir. Hamyurtlarimiz tomonidan 3 ta oltin, 4 ta kumush va 3 ta bronza medallari qo‘lga kiritlgan. 1 ta oltin va 1 ta bronza medallariga mikst bahslarida ega chiqilgan.