O‘zbekiston milliy terma jamoasi yarim himoyachisi, ikkinchi golga assistentlik qilgan Husniddin G‘ofurov KXDR termasi ustidan qozonilgan g‘alabadan keyingi fikrlari bilan o‘rtoqlashdi.
- O‘yin yaxshi o‘tdi, biz kutgan ssenariy ostida o‘tdi. Ivan Nagayev jarohat olganidan keyin maydonga tushdim. Ammo o‘sha vaqtda maydonga tushishimni o‘zim ham kutmagandim.
Ektor Kuperning talablarini bajarishga to‘laqonli bajarishga harakat qilyapmiz. O‘yindan o‘yinga kuchayib boryapmiz. U uchrashuvdan keyin ancha xursand bo‘ldi va bizni, umuman olganda barchani tabrikladi. Raqiblar haqida nima deya olaman. Ular biz kutgan darajada qarshilik ko‘rsata olishmadi. Taktika? O‘zgarishlar katta bo‘lmadi. Hujumkorlikni istagandik va shunday bo‘ldi.
