O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.
Mazkur so‘rovnomada Superliganing 12 ta klubi bosh murabbiylari va sardorlari ishtirok etdi. Muxlislar ovozi esa PFL rasmiy sayti (www.PFL.uz)da tashkil etilgan so‘rovnoma orqali qabul qilindi.
Ortda qolgan sentyabr oyida Superligada 23-24-tur uchrashuvlari, shuningdek, O‘zbekiston kubogi-2018 chorak final hamda yarim final o‘yinlari o‘tkazildi.
Mazkur uchrashuvlar davomida bir qator darvozabonlar ishonchli o‘yin namoyish etib, muxlis-u mutaxassislar olqishlariga sazovor bo‘lishdi.
O‘tkazilgan so‘rovnoma yakunlariga ko‘ra, eng ko‘p ovoz yig‘gan Eldor Suyunov sentyabr oyining eng yaxshi darvozaboni deb topildi. “Kuchli uchlik”dan Roman Abdulov hamda Javohir Ilyosov o‘rin olishdi.
