"Arsenal" hujumchisi Pyer-Emerik Obameyang Gabon termasining Janubiy Sudan bilan safardagi o‘yini uchun Juba shahriga uchishdan bosh tortdi.
16 oktyabr kuni Gabon Afrika millatlar kubogi-2019 saralashida Janubiy Sudan bilan uchrashishi lozim edi.
Obameyang juma kuni Janubiy Sudanga qarshi uydagi uchrashuvda ishtirok etdi (3:0) va safarga bormadi.
L’Equipe xabariga ko‘ra, futbolchi va uning bir nechta amoalari mamalakat futbol federasiyasi safar uchun tanlagan samolyotning holatidan norozi bo‘lganlar. Ushbu samolyot yuqori darajali sportchilarning standartlariga mos kelmas ekan.
Obameyang dushanba kuni "Arsenal" ixtiyoriga qaytib keldi, futbolchining terma jamoa lagerini tark etishining asosiy sababi jarohat deya ko‘rsatilgan.