Bugun “Nasaf” klubining sport direktori Nikolay Ilich Minchev o‘zining tug‘ilgan kunini nishonlamoqda. Nikolay Ilich 46 yoshga to‘ldi.
O‘z vaqtida “Nasaf” jamoasining himoyachisi sifatida to‘p surgan Minchev, jamoa sharafini munosib himoya qilgan. Keyinchalik murabbiylar shtabida faoliyatini davom ettirib, ayni paytda klubimiz sport direktori vazifasida ishlayotgan Minchevning, jamoa yutuqlariga qo‘shgan hissalari ham e’tirofga loyiq.
Nikolay Minchevning bugungi tug‘ilgan kuni bilan “Nasaf” klubi rahbariyati, murabbiylari, futbolchilari va barcha xodimlari, shuningdek jamoa muxlislari nomidan samimiy tabriklaymiz!
Nikolay Ilichga mustahkam sihat-salomatlik, uzoq umr va baxt saodat tilaymiz. Klub ravnaqi uchun mehnat qilishda aslo charchamang deymiz!
Tug‘ilgan kuningiz muborak bo‘lsin!
«Nasaf» PFK jamoasi
