Angliya chempionati 9-turidan o‘rin olgan markaziy uchrashuv “Chelsi” va “Manchester Yunayted” bahsi nihoyasiga yetdi. “Stemford Brij” da kechgan uchrashuv jangovor durang 2:2 hisobida yakunlandi.
Birinchi bo‘limda «Chelsi» biroz ustunlik qildi. 21-daqiqada Ryudiger o‘z goli bilan mezbonlarni hisobda oldinga olib chiqdi.
Ikkinchi bo‘limda tashabbus mehmonlarga o‘tdi. Ular ikkita gol urib, irodali g‘alabani ilib ketishga yaqin edi. 55-daqiqada Marsyal hisobni tenglashtirib, 73-daqiqada jamoasini oldinga olib chiqqan edi.
Ammo so‘nggi soniyalarda Barkli gol urib, «Chelsi»ni mag‘lubiyatdan qutqarib qoldi.
APL, 9-tur
Chelsi – Manchester Yunayted 2:2
Gollar: 1:0 – 21 Ryudiger, 1:1 – 55 Marsyal, 1:2 – 73 Marsyal, 2:2 - 90+6 Barkli.
Chelsi – Arrisabalaga, Ryudiger, Alonso, Aspilikueta, David Luiz, Kovachich (Barkli, 69), Jorjinyo, Villian (Pedro, 73), Kante, Azar, Morata (Jiru, 79).
Manchester Yunayted – De Xea, Lindelef, Shou, Yang, Smolling, Pogba, Matich, Mata (Errera, 75), Marsyal (Pereyra, 84), Lukaku, Reshford (Sanches, 85).
Ogohlantirishlar: Matich (13), Yang (27), Ryudiger (30), Azar (34), Mata (67).
