25 oktyabr kuni Qatar poytaxti Doxa shahrida sport gimnastikasi bo‘yicha jahon chempionati start oladi. Musobaqada jahonning yetakchi sportchilari qatorida o‘zbek sporti afsonasi Oksana Chusovitina ham ishtirok etadi.
Chusovitina ayni paytda musobaqa o‘tkaziladigan Doxa shahriga yetib borgan va bahslarga qizg‘in tayyorgarlik ko‘rmoqda. Chempionatda hamyurtimiz qatnashadigan tayanib sakrash bahslari 27-28 oktyabr kunlari o‘tkazilsa, final bellashuvlari 2 noyabr kuni bo‘lib o‘tadi. Musobaqa 3 noyabrga qadar davom etadi.