Superliganing 27-turi doirasida "Navbahor" jamoasi mag‘lub etilganidan keyin "Lokomotiv" jamoasi bosh murabbiyi Andrey Fyodorov o‘z fikrlarini bildirib o‘tdi.

"Birinchidan, yigitlarga alohida rahmat aytaman. Ular biz kutgandek qarshilik qilishdi. Ko‘plab jamoalar "Lokomotiv"ga qarshi shunday o‘yin ko‘rsatmoqda. Biz jismoniy jihatdan va ruhiy tomondan ham anchagina kuch sarfladik.

Futbolchilar biz uchun kerakli ishlarni qila olishdi. Garchi raqiblar qattiq qarshilik qilishgan bo‘lsa-da, biz gol ura oldik. Shundan keyin "Navbahor"ning o‘yini ochilib ketdi. Ular gol urishlari ham, gol o‘tkazib yuborishlari ham mumkin edi.

Oldingiga qaraganda bugun "Navbahor" himoyaviyroq o‘yin ko‘rsatdi. Boshlanishidan raqiblar himoyalanishini bilgandik, ammo bunchalik darajada bo‘lishini kutmagandik. Shuning uchun ham taktikani o‘zgartirib, havodan beriladigan paslarga o‘tdik.

Biroq raqiblar bunday paslarning barchasini bartaraf etdi. O‘tgan o‘yinda birinchi bo‘limda gol urganimiz uchun o‘yin osonroq bo‘lgandi. Bugun esa gol urish juda ham qiyin bo‘ldi.

- Siz raqiblarimiz ayg‘oqchisimisiz? Biz 5 kishilik himoyachi bilan o‘ynash uchun tayyorlanganimizni qayerdan bildingiz? Sizga bunday ma’lumotni kim berdi? (kuladi). Bizning olimpiya termamizga qarshi o‘yinni kuzatgan bo‘lsangiz, ko‘rgandirsiz. Biz 12 kishi bilan o‘ynadik. Men qo‘l ostimda mashg‘ulotlarda qatnashgan futbolchilarning xizmatidan foydalandim. Ammo o‘sha kuni ko‘pchilik yoshlarning o‘yini biroz o‘xshamadi. Ammo 12 kishi bilan olimpiya termasiga qarshi o‘yinda qatnashdik. Biz raqiblarning va futbolchilarning holatiga qaraymiz. "Lokomotiv" besh himoyachi bilan ham, to‘rt himoyachi bilan ham o‘yin ko‘rsatishi mumkin. Biz har kuni o‘yinga 5 himoyachi bilan tayyorlansak-u, biroq o‘yin kuni ular jarohat olib qolsa, rejalar o‘zgarib ketadi.