«Barselona» hujumchisi Lionel Messi dushanba kunidan tiklanish jarayonini boshladi. Eslatib o‘tamiz, 31 yoshli futbolchi "Sevilya"ga qarshi bo‘lib o‘tgan o‘yinda o‘ng qo‘lining bilak suyagini sindirib olgandi.

Qo‘lidagi og‘riq tufayli argentinalik futbolchi kechasi yaxshi uxlay olmayapti. Shifokorlar Messiga sabr qilish kerakligini ta’kidlashdi. «Barselona» shifokorlari operasiya shart emas, degan xulosaga kelishdi. Ularning taxminiga ko‘ra, futbolchining to‘liq tiklanishi uchun 3 hafta vaqt ketadi.

Klub tizimida ishlamaydigan vrachlarning fikricha, tiklanish jarayoni 3 haftadan ko‘proqni tashkil qilishi mumkin.

Messi 28 oktyabr kuni bo‘ladigan «Real»ga qarshi o‘yinni hamda, «Inter» bilan YECHL doirasida javob bahsini o‘tkazib yuboradi.