Kecha “Bunyodkor” akademiyasi maydonida Yoshlar Ligasining 27-turi doirasida “Bunyodkor” yoshlari “Paxtakor”ni qabul qilishdi.
Uchrashuvning ilk daqiqasidayoq "qaldirg‘ochlar" tashabbusni o‘z qo‘llariga olishdi va dastlabki hujumdayoq raqib darvozasini ishg‘ol qilishdi. Mirjahon Miraxmadovning pasidan so‘ng darvozabon bilan birga-bir chiqib borgan Rasul Yo‘ldoshev 2-daqiqadayoq Lobanov darvozasini ishg‘ol qildi.
Goldan ruhlangan “Bunyodkor” yoshlari hujumga zo‘r berishdi va 4-daqiqada penalti tepish imkoniyatint qo‘lga kiritishdi. Lekin afsuski penaltidan zarbani amalga oshirgan Islom Qobilovning zarbasini Lobanov qaytardi. Shundan so‘ng o‘yin teng kurashlar ostida o‘ta boshladi. Birinchi bo‘lim yakunlanishiga oz qolganda "Paxtakor" a’zosi Erkinov darvozamizni ishg‘ol etib hisobni tenglashtirdi.
Ikkinchi bo‘limda ham tomonlar bir nechta imkoniyatlarga ega bo‘lganiga qaramay, taym oxirlariga qadar darvozalar dahlsiz qoldi. Uchrashuvning 88-daqiqasiga kelibgina Mirjahon Miraxmadov Lobanov darvozasiga “qaldirg‘ochlar”ga g‘alaba keltiruvchi gol muallifigi aylandi. Shundan so‘ng darvozalarga gol kiritilmadi va uchrashuv Shuhrat Maqsudov shogirdlarining g‘alabasi bilan yakunlandi. Yakuniy hisob 2-1!
