O‘zbekiston Respublikasi Prezidenti tomonidan joriy yilning 20 sentyabr kuni jismoniy tarbiya va sport sohasini rivojlantirish masalalariga bag‘ishlab o‘tkazilgan yig‘ilishida berilgan vazifalar ijrosini ta’minlash, yoshlarni sportga jalb etish maqsadida mashhur insonlar ishtirokida turli musobaqalar, sport tadbirlari tashkil etilmoqda.

Jismoniy tarbiya va sport vazirligi Matbuot xizmati xabariga ko‘ra, Toshkent viloyati Jismoniy tarbiya va sport boshqarmasi tomonidan O‘rta Chirchiq tumanida o‘quvchi yoshlar o‘rtasida tashkil etilgan futbol musobaqasida taniqli futbol faxriylari Birodar Abduraimov, Sayfiddin Ermatov, Azamat Abduraimov, FIFA referisi Ravshan Ermatov, el ardog‘idagi san’atkorlar O‘zbekiston xalq artisti G‘ulomjon Yoqubov, Muyassar Berdiqulova va Argentina poytaxti Buenos-Ayres shahrida o‘tkazilgan o‘smirlar olimpiadasi rekordchi sovrindori Gulbahor Fayziyeva ishtirok etdi.

Taniqli sportchilar va san’atkorlar o‘quvchi-yoshlar bilan jismoniy tarbiya va sport bilan shug‘ullanishning foydali jihatlari haqida suhbatlashib, ularning kelgusidagi rejalari bilan qiziqishdi, o‘z maslahatlarini berishdi.