«Liverpul» bosh murabbiyi Yurgen Klopp jamoa hujumchisi Muhammad Saloh borasida o‘z fikralrini bildirib o‘tdi. Misrlik futbolchi Chempionlar ligasining 3-turi doirasida bo‘lib o‘tgan «Srvena Zvezda»ga qarshi o‘yinda (4:0) ikkita gol urishga muvaffaq bo‘ldi. Uning «Liverpul»dagi jami gollari soni 50taga yetdi.

«Bu yaxshi. Boisi, endi uning ushbu mavsumda kam gol urayotgani haqidagi gap-so‘zlarga chek qo‘yilsa kerak. Men Salohga shubha qilmagandim, uning o‘zi ham shubha qilmagandi.

Hamisha: «Men yana gol ura olamanmi?», — deya o‘ylash kerak emas. Sidqidildan ishlasangiz, to‘g‘ri pozisiya tanlasangiz, sheriklaringiz sizni o‘z vaqtida ko‘ra olsa, to‘g‘ri tomonga yugursangiz — golning o‘zi keladi.

Salohning 50ta goli — bu ajoyib natija. Umid qilaman, u shunday ruhda davom etadi», – dedi Klopp.

Muhammad Saloh «Liverpul» safida 50ta gol urish uchun 65ta o‘yin kerak bo‘ldi.