«Ливерпуль» бош мураббийи Юрген Клопп жамоа ҳужумчиси Муҳаммад Салоҳ борасида ўз фикралрини билдириб ўтди. Мисрлик футболчи Чемпионлар лигасининг 3-тури доирасида бўлиб ўтган «Црвена Звезда»га қарши ўйинда (4:0) иккита гол уришга муваффақ бўлди. Унинг «Ливерпуль»даги жами голлари сони 50тага етди.

«Бу яхши. Боиси, энди унинг ушбу мавсумда кам гол ураётгани ҳақидаги гап-сўзларга чек қўйилса керак. Мен Салоҳга шубҳа қилмагандим, унинг ўзи ҳам шубҳа қилмаганди.

Ҳамиша: «Мен яна гол ура оламанми?», — дея ўйлаш керак эмас. Сидқидилдан ишласангиз, тўғри позиция танласангиз, шерикларингиз сизни ўз вақтида кўра олса, тўғри томонга югурсангиз — голнинг ўзи келади.

Салоҳнинг 50та голи — бу ажойиб натижа. Умид қиламан, у шундай руҳда давом этади», – деди Клопп.

Муҳаммад Салоҳ «Ливерпуль» сафида 50та гол уриш учун 65та ўйин керак бўлди.