«Манчестер Юнайтед» ёзги трансфер ойнасида таркибни сезиларли даражада янгилашга киришмоқда. «Қизил иблислар»нинг асосий мақсади — ярим ҳимоя чизиғини кучайтириш.

Журналист Самуэль Лакхёрстнинг хабар беришича, клуб раҳбарияти янги хавбекни харид қилиш учун 100 миллион фунт стерлинггача (тахминан 115 миллион евродан ортиқ) маблағ сарфлашга тайёр. Айни дамда клуб селекция бўлими эътиборида 8 нафар футболчи бор:

• Эллиот Андерсон («Ноттингем Форест»)

• Орельен Тчуамени («Реал» Мадрид)

• Сандро Тонали («Ньюкасл»)

• Матеуш Фернандеш («Вест Хэм»)

• Карлос Балеба («Брайтон»)

• Адам Уортон («Кристал Пэлас»)

• Алекс Скотт («Борнмут»)

• Жоао Гомес («Вулверхэмптон»)

Манчестерликлар бошқа позицияларни ҳам кучайтиришни режалаштирган, бироқ ушбу йўналишларда катта харажатлар кутилмаяпти. Эслатиб ўтамиз, Майкл Каррик бошқарувидаги «Манчестер Юнайтед» Премьер-лиганинг якунланган мавсумини 3-ўринда якунлади.