Мадриднинг «Реал» клубини бошқариши кутилаётган Жозе Моуриньо келажак мавсум учун режаларини ишлаб чиқмоқда. Журналист Игнасио Санчеснинг хабар беришича, португалиялик мутахассис ўз режасида туркиялик ярим ҳимоячи Арда Гюлерни жамоанинг асосий футболчиларидан бири сифатида кўрмоқда.
«Ўзига хос мураббий» (The Special One) аллақачон футболчи билан шахсан боғланиб, унинг жамоадаги янги роли ҳақида гаплашган. 21 ёшли Арда Гюлер «Реал» сафига 2023 йилнинг ёзида келиб қўшилган эди. Унинг мадридликлар билан амалдаги шартномаси 2029 йил июнь ойи охиригача амал қилади. Transfermarkt портали иқтидорли футболчини 90 миллион еврога баҳоламоқда.
Маълумот учун, Флорентино Перес президентлик сайловларида ғалаба қозонган тақдирда, Жозе Моуриньо расман «Реал» бош мураббийи сифатида эълон қилиниши кутилмоқда.
