«Барселона» спорт директори Деку Лондонга ташриф буюриб, «Челси» ҳужумчиси Жоао Педронинг агенти билан учрашди. Ҳозирча клублар ўртасида расмий музокаралар бошланмагани ҳақида Декунинг ўзи ҳам маълум қилган бўлса-да, бразилиялик футболчи каталонияликлар сафига ўтишга қатъий қарор қилган. Бу ҳақда Sport нашри хабар бермоқда.
«Челси»нинг Чемпионлар лигасига чиқа олмагани футболчининг жамоани тарк этишига туртки бўлаётган асосий омиллардан биридир. Бироқ «Барселона» учун бу трансферни амалга ошириш осон кечмайди: «Челси» 24 ёшли форвардини қўйиб юборишни истамаяпти ва унинг трансфери учун 80-100 миллион евро атрофида маблағ талаб қилиши кутилмоқда.
Битимнинг тақдири кўп жиҳатдан Педронинг ўзига боғлиқ: агар футболчи трансферни амалга оширишда қатъият кўрсатса ва клуб раҳбариятига босим ўтказса, вазият ўзгариши мумкин.
