Amerikalik Ketrin Mayorgaga tajovuz qilishdagi aybi hali bosdi-bosdi bo‘lmay turib, Krishtianu Ronaldu Italiyada yangi “sevgi sarguzashti”ni boshlagan ko‘rinadi.  Bu haqida Diva e Donna jurnali xabar qilmoqda.

Ushbu jurnal mehmoni bo‘lgan italiyalik model Manuyela Ferreyra portugaliyalik futbolchi unga telefon qilib, bir qancha sms xabarlar yozganini ma’lum qildi.

“Krishtianu bir dugonamdan telefon raqamimni olib, qo‘ng‘iroq qildi. U  For men 2019 uchun tushgan suratlarimni ko‘rib, yoqqanligini aytish uchun telefon qilgan ekan. “Juda chiroylisiz! Go‘zallik timsolisiz”, dedi u.

Keyin bir necha bor smslar yozishdik.  Ochig‘i, futbol yulduzidan bunday e’tirofni kutmagandim. Axir, uning atrofi mendan-da go‘zal qizlarga to‘la. Aslida Ronaldu barcha qizlar uchun ideal yigit namunasi, deya fikr bildirgan Manuyela Ferreyra.