Shu kunlarda Tailandning Ubonratjatxani shahrida gandbol bo‘yicha 20 yoshgacha bo‘lgan o‘g‘il bolalar o‘rtasida «IHF Inter-Continental Trophy» musobaqasining Osiyo mintaqasi bellashuvlari bo‘lib o‘tmoqda. Bahslarda O‘zbekiston terma jamoasi vakillari ham ishtirok etmoqdalar.
Sportchilarimiz guruh bosqichi doirasida Hindiston terma jamoasini 44:31, Xitoy Taypeyi vakillarini esa 38:36 hisobida mag‘lub etdilar. Endi yigitlarimiz bugun uchinchi turda mezbon Tailand terma jamoasiga qarshi bahs olib boradilar.
O‘zbekiston terma jamoasi ushbu ikki g‘alaba orqali final bosqichi masalasini muddatidan oldin hal qilib qo‘ygan. Musobaqa g‘olibligi uchun bahs 9 noyabr kuni bo‘lib o‘tadi.
