Bugun “Nasaf” Superliganing 30-tur uchrashuvini safarda Navoiyning “Qizilqum” jamoasi bilan o‘tkazadi. Uchrashuv “Yoshlar sport majmuasi”da soat 16:00da boshlanadi.
Mazkur jamoalar hozirgacha milliy chempionatimizda o‘zaro 39 marta tuqnash kelishgan. Ushbu bahslarning 23 tasida jamoamizning qo‘li baland kelgan bo‘lsa, 6 uchrashuvda navoiylik futbolchilar g‘alaba qozonishgan. 10 uchrashuvda tomonlar durangga imzo chekishgan.
To‘plar nisbati bo‘yicha ham “Nasaf” ustunlik qilmoqda: 74-41.
Shu yili 2 oktyabr kuni Qarshida o‘tkazilgan so‘nggi o‘zaro o‘yinda 4:2 hisobida “ajdarlar”ning qo‘li baland kelgan edi.
“Qizilqum” o‘z maydonida “Nasaf”ni 19 marta qabul qilgan. Bularning 5tasida g‘alabaga erishgan. 8 uchrashuvda “Nasaf”ning qo‘li baland kelgan. 6 uchrashuvda kuchlar teng kelgan. Bu uchrashuvlarda darvozalarga jami 50ta to‘p kiritilgan. To‘plar nisbati teng – 25:25.
Shu yili Navoiyda bo‘liba o‘tgan o‘zaro o‘yinda jamoamiz 2:1 hisobida g‘alabaga erishgan.
“Nasaf” bugun milliy chempionatdagi 648-uchrashuvini o‘tkazadi.
