Бугун “Насаф” Суперлиганинг 30-тур учрашувини сафарда Навоийнинг “Қизилқум” жамоаси билан ўтказади. Учрашув “Ёшлар спорт мажмуаси”да соат 16:00да бошланади.

Мазкур жамоалар ҳозиргача миллий чемпионатимизда ўзаро 39 марта туқнаш келишган. Ушбу баҳсларнинг 23 тасида жамоамизнинг қўли баланд келган бўлса, 6 учрашувда навоийлик футболчилар ғалаба қозонишган. 10 учрашувда томонлар дурангга имзо чекишган.

Тўплар нисбати бўйича ҳам “Насаф” устунлик қилмоқда: 74-41.

Шу йили 2 октябр куни Қаршида ўтказилган сўнгги ўзаро ўйинда 4:2 ҳисобида “аждарлар”нинг қўли баланд келган эди.

“Қизилқум” ўз майдонида “Насаф”ни 19 марта қабул қилган. Буларнинг 5тасида ғалабага эришган. 8 учрашувда “Насаф”нинг қўли баланд келган. 6 учрашувда кучлар тенг келган. Бу учрашувларда дарвозаларга жами 50та тўп киритилган. Тўплар нисбати тенг – 25:25.

Шу йили Навоийда бўлиба ўтган ўзаро ўйинда жамоамиз 2:1 ҳисобида ғалабага эришган.

“Насаф” бугун миллий чемпионатдаги 648-учрашувини ўтказади.