Angliya Premyer-Ligasining 12-tur uchrashuvlari doirasida «Liverpul» «Fulhem»ni mag‘lub etdi (0:0), «Chelsi» «Everton»ni yenga olmadi (0:0), «Siti» «Yunayted»dan ustun keldi (3:1) va «Arsenal» «Vulverhempton»ga qarshi o‘yinda oxirgi daqiqalarda urilgan gol evaziga mag‘lubiyatdan qutulib qoldi.

Bu orqali yuqoridagi 4 jamoa ham mag‘lubiyatsiz seriyasini davom ettirdi. Turnir peshqadami «Manchester Siti» mavsum boshidan buyon 10 uchrashuvda g‘alaba qozonib, 2 o‘yinda durang o‘ynagan, «Liverpul»da 9 g‘alaba va 3 durang, «Chelsi» 8ta g‘alaba va 4ta durang qayd etgan, «Arsenal» ham avgust oyining ikkinchi yarmidan buyon mag‘lubiyatsiz seriyani saqlab qolmoqda, Unai Emeri shogirdlari dastlabki ikki turda «Manchester Siti» (0:2) va «Chelsi»ga (2:3) yutqazganidan keyin 7 uchrashuvda g‘alaba qozonib, 3 bor durang o‘ynadi.

«Chelsi» esa mavsum davomida barcha turnirlar doirasida qatorasiga 18 uchrashuvda mag‘lubiyatga uchrmagan - 14 g‘alaba va 4 durang. Maurisio Sarri jamoasi mavsumdagi yagona mag‘lubiyatni 5 avgust kuni Angliya Superkubogi uchun «Man Siti»ga qarshi o‘yinda qabul qilib olgandi (0:2).