Italiya “A” Seriyasining 12-turida “Milan” o‘z maydonida “Yuventus”dan mag‘lub bo‘ldi.
Mazkur uchrashuvda, “Milan” hujumchisi Gonsalu Iguain birga-bir holatga chiqib ketib turganida Mexdi Benatiya qo‘li bilan to‘pni to‘xtatib qoldi.
Avvaliga bosh hakam penalti belgilashga ikkilandi. Ammo, bu ishga VAR qo‘shilganidan keyin, hakam qarorini o‘zgartirdi. Mazkur penaltini argentinalik futbolchining o‘zi amalga oshirdi. Biroq, u sobiq jamoadoshi Shesnining darvozasiga yo‘l topolmadi.
Shundan so‘ng, argentinalik futbolchi yana o‘sha Benatiya bilan to‘qnashib ketdi va hakam unga dastlab sariq kartochka ko‘rsatdi.
Bundan norozi bo‘lgan Iguain hakamga o‘chqira boshladi va sobiq jamoadoshlarini ham ayab o‘tirmay maydonni tark etdi.
Hakam argentinalik futbolchining qilig‘iga yarasha ikkinchi sariq qartochkani ko‘rsatib uni maydondan chetlashtirdi va Iguain maydonni yig‘lab tark etdi.
