"PSJ" klubi va Fransiya terma jamoasi hujumchisi Kilian Mbappe o‘zini boshqa futbolchilarga taqqoslashlariga munosabat bildirdi.

"Kimningdir nusxasi bo‘lishni istamayman. Buyuk sportchilar kabi kimdandir nusxa olib emas, o‘z tarixingni o‘zing yozishing kerak. O‘ziga o‘zi yuqori baho berish tabbiy deb bilaman. Kundalik hayotda kamtar bo‘lsangda kamtarlik - buyuk odamlarning kuchi va ularga berilgan in’omdir", - deydi Mbappe.

Mbappe shuningdek, transfer bozoridagi yuqori narxlar borasida fikr bildirdi.

"Kamtar oiladan chiqqan men kabi inson uchun bu o‘ta katta summalar. Ammo bozor shunday, futbol olamida ahvol shunday. Bu borada futbol inqilobini qilmoqchi masman. Men bu tizimning bir parchasiman, uni hurmat qilishim va joyimni bilishim kerak".