Avvalroq, O‘zbekiston professional futbol ligasida katta o‘zgarishlar yuz berishi mumkinligi haqida xabar bergan edik. Xabarda O‘zPFL direktori Omon G‘ofurov egallab turgan lavozimini bo‘shatishi va boshqa ishga o‘tishi haqida yozilgan edi.
Ammo rasmiy manbalarning aytishiga ko‘ra, Omon G‘ofurov egallab turgan lavozimini bo‘shatmaydi va O‘zPFL direktori sifatida qoladi.
G‘ofurov 18 noyabr kuni “Poytaxt” biznes markazida futboldagi funksional va huquqiy masalalar bo‘yicha seminarda ishtirok etib, seminarni O‘zbekiston futbol Assosiasiyasi Bosh kotibi Sardor Rahmatullayev bilan birga ochib bergan.
Omon G‘ofurovning o‘rniga sobiq Jismoniy tarbiya va sport vaziri Shoakram Isroilov tayinlanishi mumkin edi. Noma’lum sabablarga ko‘ra, rasmiy manbalar bu yangilikni inkor etishdi.
Eslatib o‘tamiz, Stadion.uz Omon G‘ofurov O‘zbekiston Milliy olimpiya qo‘mitasida faoliyatini davom ettirishi yozgan edi.
