Gollandiya terma jamoasi Millatlar ligasi guruh bosqichining so‘nggi o‘yinida Germaniya bilan durang (2:2) o‘ynadi va musobaqa yarimfinaliga chiqdi.
B divizionga yo‘l olib bo‘lgan Germaniya ushbu uchrashuvda 2:0 hisobida oldinda borayotgan edi, ammo Kuinchi Promes (85-daq.) va Virgil van Deyk (91-daq) urgan gollar tufayli g‘alabani ushlab qololmadi.
Shu tariqa gollandlar Fransiya bilan bir xil ochko to‘pladilar, ammo qo‘shimcha ko‘rsatikichlar tufayli guruhda birinchi o‘rinni qo‘lga kiritdilar.
Gollandiya oxirgi ikki jahon chempionati g‘oliblari joy olgan A1 guruhida g‘olib chiqib, musobaqaning birinchi yarimfinaliga yo‘l oldi. Bu bosqichga avvalroq Shveysariya, Portugaliya i Angliya termalari yo‘l olishgan.
