«Barselona» qishki transfer paytida Usmon Dembeleni boshqa jamoaga sotadigan bo‘lsa, Dortmundning «Borussiya»siga va’da qilingan barcha bonuslarni birdaniga to‘lab berishiga to‘g‘ri keladi. Fransiyalik futbolchi yanvar oyida Kataloniyani tark etadigan bo‘lsa, nemis jamoasi 40 million yevro oladi. Bu haqda Die Welt xabar tarqatdi.
Hujumchi o‘tgan yilning yozida 115 million yevro evaziga «Borusiya»dan «Barselona»ga o‘tgandi. Bu summaga turli bonus va mukofotlar qo‘shilmagan.
Dembele ushbu mavsumda "ko‘k-anorranglilar" safida barcha musobaqalar doirasida 15ta o‘yinda maydonga tushib, 6ta gol urdi va ikkita golga uzatma berdi. Usmon so‘nggi paytlarda intizom borasida ko‘p kamchiliklarga yo‘l qo‘yayotgani bois, jamoa uni transferga qo‘yish borasida o‘ylamoqda.