"Real" yarim himoyachisi Kazemiro "Selta"ga qarshi o‘yinda jarohat olgani bois, bir oy davomida maydon tashqarisida qoladigan bo‘ldi. Klub bosh murabbiyi Santyago Solari navbatdagi 3 hafta davomida braziliyalik futbolchining pozisiyasida o‘ynashi mumkin bo‘lgan o‘yinchini aniqlab oldi.

Mutaxassis tayanch nuqtasida Dani Sebalyosning xizmatidan foydalanishni ko‘zlamoqda. "Selta"ga qarshi bo‘lib o‘tgan o‘yinda, Solari barchani hayron qoldirgan holda, jarohat olgan Kazemironing o‘rniga Sebalyosni tushirgandi. Dani murabbiyning ishonchni oqlagan holda, uchrashuvdagi eng yaxshi futbolchilardan biri bo‘ldi.

Zidan "Real"ni tark etganidan keyin Sebalyosning klubdagi roli o‘zgarib bormoqda. U zaxiradan maydonga tushish uchun eng asosiy futbolchilardan biriga aylandi hamda o‘tgan yilgi mavsumga nisbatan ko‘proq o‘yin amaliyotiga ega bo‘lmoqda. Shu paytgacha yarim himoyachi jami 765 daqiqa davomida maydonda harakat qildi. O‘tgan mavsumda uning maydondagi o‘yin vaqti 899 daqiqani tashkil qilgandi.

Dani Sebalyosga Qirollik klubi"nin avvalgi bosh murabbiyi Lopetegi ham, hozirgi ustozi Solari ham ishonch bildirishdi. Jumladan, futbolchi Santyago Solari boshqaruvidagi 4ta o‘yindan 2tasini boshlang‘ich tarkibda boshlagan.