Xabaringiz bor, “So‘g‘diyona” Pepsi Superliga 31-turida Qo‘qonda “Qo‘qon-1912” jamoasiga qarshi bahs olib boradi. Kecha mashg‘ulotlardan so‘ng Jizzax klubi Qo‘qonga yo‘l oldi va ayni damda manzilga yetib keldi.
OTJ tarkibida Dubayda xalqaro turnirda ishtirok etgan Nurillo To‘xtasinov va UEFA Millatlar ligasida Litva terma jamoasi tarkibida qatnashgan xujumchi Darvidas Sernas “So‘g‘diyona” ixtiyoriga yetib kelgan.
Bugun Bobur Zuxriddinov boshchiligidagi “So‘g‘diyona” o‘rinbosarlari Qo‘qonda “Qo‘qon-1912” yoshlariga qarshi bahs olib boradi. O‘yin bugun soat 14:00 da “Markaziy” stadionda bo‘lib o‘tadi. Asosiy tarkib uchrashuvi 25 noyabr kuni soat 15:00 da Qo‘qon “Markaziy” stadionida o‘tkaziladi.