Pepsi Superliga 31-turidan o‘rin olgan “Qo‘qon-1912” – “So‘g‘diyona” uchrashuvidan keyingi matbuot anjumanining ikkinchi qismida mezbonlar ustozi No‘’mon Hasanov qatnashdi.
No‘’mon Hasanov: - Har bir murabbiy o‘z maydonidagi oxirgi o‘yinda g‘alaba qozonishni xohlaydi. Bugun ham shunday maqsadda maydonga tushgandik. Shogirdlarimga ham buni tushuntirgandim. Ammo niyatimizga yetolmadik.
Javohir Sidiqov hamda O‘tkir Yusupovlar milliy terma jamoamiz bilan Avstraliyadan uchib kelishdi. Uzoq parvoz, baribir charchoq alomatlari ham o‘z ta’sirini o‘tkazdi. Yigitlardan aniq paslar bilan o‘ynashni talab qildim.
Afsuski maydonimiz holati ham chiroyli o‘yin ko‘rsatishga pand berdi. Olmaliqda ko‘rdilaring , yaxshi maydonda futbolchilar yaxshi o‘yin ko‘rsatishdi. Keyingi o‘yinimiz Farg‘onada, bu o‘yinga astoydil tayyorlanib, so‘nggi turda muxlislarimizni xursand qilishga harakat qilamiz – deydi murabbiy.
