«UzNews.uz»ning huquq-tartibot idoralaridagi manbasi 26 noyabr kuni Toshkent shahridagi «Toshkent» savdo markazi hududida yakkakurash sport turining aralash turi bo‘yicha jahon chempioni Murod Xonto‘rayev pichoqlab ketilgan voqea yuzasidan ma’lumot berdi.
Uning ofisiga 10 dan ortiq noma’lum shaxslar bostirib kirib, tan jarohati yetkazgan. Taxminan soat 14:30da sodir bo‘lgan hujum natijasida Murod Xonto‘rayev va Ikrom Saidovlarga tan jarohati yetkazilgan. Jabrlangan ikki shaxs ham Toshkent shahar 1-sonli klinik shifoxonasiga joylashtirilgan.
Avvalroq, Murod Xonto‘rayev shu yilning 21 iyuniga o‘tar kechasi Yunusobod tumani hududidagi tungi klubda ro‘y bergan mojaro ishtirokchisi bo‘lgan, u ko‘krak qismiga pichoq bilan berilgan zarbadan jarohat olgandi. U keyinroq shifoxonadan milisiyaga so‘roq berish uchun olib ketilgan, sud hukmi bilan qamoqqa olingandi.
Ushbu holat yuzasidan Jinoyat kodeksining 277-2-moddasi "b,v" bandlari bilan jinoyat ishi qo‘zg‘atilib tergov ishlari olib borilayotgani ma’lum qilingan.
